7 верасня 2014 год
Дзень беларускага
пісьменства праводзіцца штогод у першую нядзелю
верасня.
Канцэпцыя свята прадугледжвае паказ
адзінства беларускага друкаванага слова з гісторыяй і культурай беларускага
народа, адлюстраванне гістарычнага шляху пісьменства і друку ў Беларусі.
Традыцыйна Дзень беларускага пісьменства
праходзіць у гарадах, якія з'яўляюцца гістарычнымі цэнтрамі культуры, навукі,
літаратуры і кнігадрукавання.
Заслаўе - адзін са старажытных
гарадоў Беларусі: упершыню згадваецца ў летапісах пад 1127 годам, але
заснаваны намнога раней.
Тут захаваліся дзіўныя гістарычныя помнікі, на базе якіх у 1986 годзе
быў створаныгісторыка-культурны
музей-запаведнік "Заслаўе".
гарадзішча "Замэчак" (X-XI стст., летапісны
Ізяслаўль)
курганныя могільнікі X-XI стст.
гарадзішча "Вал" з кальвінскім зборам
(XI-XVII стст., заслаўскі замак)
касцёл Нараджэння Найсвяцейшай Дзевы Марыі (другая
палавіна XVIII ст.)
палацава-паркавы комплекс Пшаздзецкіх
Для шматлікіх
наведвальнікаў адкрыты:
музейна-выставачны комплекс
этнаграфічны комплекс
"Млын"
музей-ДОТ
Дзіцячы
музей міфалогіі і лесу
Этнаграфічны комплекс "Млын" створаны ў гонар захаванага ў Заслаўі паравога млына– помніка мукамольнай вытворчасці
пачатку XX ст. У комплексе ёсць таксама
Хата завознікаў, свіран, кузня.
У музеі-запаведніку "Заслаўе" праходзяць тэатралізаваныя экскурсіі,
батлеечныя спектаклі.
У гімназіі №30
Замалёўкі на клятчастым лістку або пачак запалак знутры
Спазніўшыся з перапынку, я не паспела сесці бліжэй, таму
была адціснута больш празорлівымі пераемнікамі на апошнюю парту. Але ж ва ўсім
трэба знаходзіць нешта для сябе, інакш усё жыццё прыйдзецца правесці ў пошуках.
З майго дазору я бачыла большасць нашай аўдыторыі, што не магло не радаваць мой
спрактыкаваны назіраннямі мозг. Першай з увайшоўшых была жанчына, потым
прадстаўленая нам як Святлана Дзянісава, галоўны рэдактар часопіса «Маладосць».
Ёй была адведзена роля першапраходца: мяккім вадаспадам словаў яна ўводзіла нас
ў атмасферу беларускамоўнай натуральнасці і светлай утульнасці, якая
з’яўляецца, калі группа людзей адчувае сябе адной цэлай часткай чагосьці.
Скончыўшы свой маналог лёгкай самаіроніяй (о, якое цудоўнае і выміраючае
пачуццё ў наша самамаркетынгавае стагоддзе!), яна перакінула нітку бяседы
наступнаму герою дзеяння — Віктару Лупасіну, маладому паэту.
24 верасня, аўторак
«Бярозка» завітала да вучняў сталічнай гімназіі №30. У якасці выступоўцы – паэт,
пісьменнік Генадзь Аўласенка. Творца распавёў прысутным, якімі былі яго першыя
спробы пяра, і даў некалькі парад пра тое, як навучыцца пісаць вершы. У гэтым,
дарэчы, добра можа дапамагчы яго кніга «Азы вершаскладання». Падчас сустрэчы
адбылася прэзентацыя кнігі «Казкі дзядулі Дняпра», якая выйшла ў Выдавецкім
доме «Звязда», а пасля – аўтограф-сесія. Вучні ўважліва слухалі аўтара,
задавалі шмат пытанняў — ёсць надзея на новых аўтараў для «Бярозкі»!